Պաշտոնապես մեկնարկել է Կայուն զարգացման նպատակ (ԿԶՆ) 7-ի ճանապարհային քարտեզը

2025 թվականի մայիսի 14-ին, Երևանում կայացավ Կայուն զարգացման նպատակ (ԿԶՆ) 7-ի ճանապարհային քարտեզի պաշտոնական մեկնարկը։ Այս կարևոր իրադարձությունը վերահաստատեց երկրի հանձնառությունը՝ ապահովելու մատչելի, հուսալի, կայուն և ժամանակակից էներգիա բոլորի համար։

Ինչպես իր ողջույնի խոսքում նշեց ՄԱԿ-ի մշտական համակարգող տիկին Ֆրանսուազ Ժակոբը․ «ԿԶՆ 7-ի իրականացումը պայմանավորված է մարդկանց և գործընկերությունների ամրապնդմամբ, և Ճանապարհային քարտեզը ՄԱԿ-ի միասնական կարողության վառ օրինակ է»։
 
Նա հատկապես կարևորեց էներգիայի դիվերսիֆիկացիան և էներգաարդյունավետությունը՝ որպես անվտանգության, կլիմայական գործողությունների և տնտեսական աճի հիմնական գործոններ՝ կապելով դրանք կենսաբազմազանության, COP-17-ի, ինչպես նաև խոցելի խմբերի համար նոր ֆինանսավորման լուծումների, վարքագծային փոփոխությունների, միջգերատեսչական համակարգման և մասնավոր հատվածի ակտիվ ներգրավման հետ»։
 
 Բացման խոսքով հանդես եկավ ՀՀ տարածքային կառավարման և ենթակառուցվածքների նախարարության էներգետիկայի վարչության պետի պաշտոնակատար պարոն Հովհաննես Աբրահամյանը, ինչպես նաև UNECE, UNESCAP և ՄԱԶԾ ներկայացուցիչները՝ համատեղ ու համարձակ գործողությունների կոչերով։
 
  Ճանապարհային քարտեզի հիմնական ուղերձներն ու առաջարկությունները․
 
• Առանց լրացուցիչ ջանքերի, Հայաստանը կարող է չհասնել ԿԶՆ 7-ի իր 2030թ. թիրախներին։
• Ճանապարհային քարտեզը ներկայացնում է դեպի զրոյական արտանետումներ տանող տեսլական մինչև 2050թ․՝ ներառյալ՝

- Տրանսպորտի էլեկտրաֆիկացում՝ 50,000 էլեկտրական մեքենա և 3,000 լիցքավորման կայան,
- Էլեկտրական վառարանների և բարձր արդյունավետության ջեռուցման համակարգերի լայն կիրառություն,
- Կանաչ ֆինանսավորման զարգացում՝ սուբսիդիաների և կանաչ պարտատոմսերի միջոցով,
- Արևային, քամու, փոքր հիդրոէլեկտրակայանների և ջերմային պոմպերի կիրառման ընդլայնում։
 
Շինարարական ոլորտն ունի ավելի քան 185 տնհ/տարի էներգախնայողության ներուժ, ընդգծելով շենքերի էներգաարդյունավետ արդիականացման հրատապ անհրաժեշտությունը։

ՄԱԶԾ-ի, ՄԱԿ ԵՏՀ-ի և UNESCAP-ի համատեղ կազմակերպած այս միջոցառումը նշանավորեց Հայաստանի կայուն էներգետիկ անցման կարևորագույն փուլը։